முகம் தெரிய முதலாளிகள்,
வீசும் எலும்புக்கு முட்டி மோதுவதும்,
அருகில் இருக்கும் சக மனிதரை எட்டி மிதிப்பதும்....
எல்லாம்...
ஒரு பிழைப்புக்காக .....
பெற்ற தாயையும் பிரிந்தோம்,
தோளில் சுமந்த தகப்பனையும் துறந்தோம்...
உயிர் கொடுத்து இடமளித்த, சொந்த மண்ணையும் மறந்தோம்..
நாதியற்று, அகதியாய் தொடருவோம்...
எல்லாம்...
ஒரு பிழைப்புக்காக .....
நன்றி கெட்டும்,
துரோகத்தை கொண்டாடியும்,
தன்மானத்தை புதைத்தும்,
ஏய்ச்சு ஒரு ஈனபட்ட வாழ்கை....
எல்லாம்...
ஒரு பிழைப்புக்காக .....
ஆடவரின் ஆண்மை எல்லாம் அடகு வைத்து விட்டோம்..
பெண்டிரின் பெண்மை எல்லாம் பெட்டியில் பூட்டி விட்டோம்..
மனிதரின் மனிதத்திற்கு கொள்ளியே வைத்து விட்டோம் ...
எல்லாம்...
ஒரு பிழைப்புக்காக .....
வாழ்வு என்ற சொல், தமிழில் அழிந்து விட்டது..
வரும் சங்கதியற்கு, மிஞ்சி இருப்பது வெறும் கழிவுகளே..
வாழ்கையின் கற்பை கூட்டமாக சூறையாடி விட்டோம்....
ஆட்டம் நிற்கும் வரை ஆடுவோம்!!!
பிழைப்போம்!
எல்லாம்...
ஒரு பிழைப்புக்காக .....
5 Comments to "எல்லாம் ஒரு பிழைப்புக்காக ..."